Pao Pao!

               Dimsum! Xiao Long Pao, Dumplings, Radish Cakes, Hakaw, Japanese Siomai, Siopao... Isa lang ang ibig sabihin ng mga ito sa akin – comfort foods! Paboritong-paborito ko ang madalas na pagpunta namin ng aking Mama kasama ang aking culinary na pinsan sa mga Chinese restaurants para kumain ng masasarap na dimsum at mainitan ang aming mga tiyan ng mga mami. Ang pinakamasarap na dimsum dito sa Pilipinas ay sa tingin ko ay makikita lamang sa Ong Pin sa may Binondo. Pagkapasok na pagkapasok pa lang namin sa mga restaurants ay alam ko na kagad ang aking order – kahit anong                                     

               Sa lahat ng mga dimsum na aking natikman, ang masasabi kong pinakasarap para sa akin ay ang may sabaw sa loob na parang Siomai na tinatawag na Xiao Long Pao. Nalaman ko na ang paraan dapat ng pagkain nito ay hindi lang dapat ang pagsubo na gamit ng chopsticks. Dapat pa la ay ilagay muna ang isang Xiao Long Pao sa kutsara na para sa sabaw at doon ito butasin para lumabas ang sabaw sa loob. Dito na hihigupin ang masarap na broth na gawa sa karne ng pork. Pagkatapos ay maaari nang lasapin ang meaty goodness ng nasa loob ng Xiao Long Pao. Pero, minsan ko lang talaga gawin itong traditional na paraan ng pagkain ng Xiao Long Pao. Sadyang tinatamad kasi ako at mas gusto kong sumasabog sa aking bunganga ang sabaw sa unang pagkagat ko sa masarap na dimsum. Wala nang kaarte-arte pa at simple. Basta lang na malasahan ko ang light at fresh na flavour ng sabaw at meat sa loob, solved na ako.                                                                                                  

               Ginhawa ang aking nadarama kapag ako’y kumakain ng mga ganitong pagkain. Lagi kong naiisip na ang layo-layo ko sa mga problema kapag akong nakakalanghap ng mababangong amoy ng stir-fried noodles at roasted duck kasama ang mga dimsum sa sides. Nakakabusog, nakakaginhawa, nakakapagpasaya... Ito ang lahat ang idinudulot ng aking paboritong pagkain.                                                                                                      


Pugeda, Marion Ann C.