Tara, crispy chicken sandwich!

Ang schedule ng mga mag-aaral ng HRM sa UST ngayong ikalawang semestre ay napakabigat. Halos buong araw ang klase at kaunting oras lang din ang nailalaan para sa paglabas at pagkain, at dahil dito kinakailangan nating humanap ng makakain na masarap, mura, at madaling mabili para makaraos sa buong araw ng pag-aaral.


Napakahirap pumili ng kakainan tuwing break time at kadalasan nauubos ang oras sa pagpapasya kung saan kakain. Katulad ng karamihan, madalas kaming bumabagsak sa Mcdpnald's para kumain dahil malapit lang ito at mas madaling pumili ng kakainin dahil may mga value meal sila. Naging paborito ko ng kainin sa Mcdo ay ang crispy chicken sandwich nila. Ang crispy chicken sandwich ay tinapay na may palamang tipak ng manok at mayonnaise. Mura ito dahil fifty pesos lang ito at may inumin na, masasabi kong masarap din ito at napupunan din nito ang gutom ko kahit papaano, at mabilis din itong kainin pag ikaw ay nagmamadali na at maaari mo din itong kainin habang naglalakad, nakatayo, o nakaupo.


Ang crispy chicken sandwich ay siguradong malinis at magbibigay ng sustansya sa ating katawan. Pinupunan din nito ang pangangailangan natin ng enerhiya sa katawan. Dahil sa isang fast food natin ito mabibili, paniguradong malinis ito at hindi magdudulot ng sakit sa mga kakain nito. Kaya kung nagmamadali ka na at kailangan ng kumain, tara, magcrispy chicken sandwich tayo.


== Gameel H. Padasas, 1H3